Marx Rumpolt: New Kochbuch 1581. -- Von Fröschen. Fol. 137a
Texterfassung und Korrektur: Thomas Gloning, XII/2000
<<R137a>>
I.
GEbackene Fro:esch/ saltzs/ pfeffers vnnd mehls eyn/ backs auß
heisser Butter/ daß sie fein resch seyn/ gib sie warm auff
den
Tisch/ vnnd bestra:ew sie mit Jngwer. Wiltu aber ein saure
Bru:eh daru:eber geben/ so nimb Agrastwasser mit den Beeren/
nimb auch Butter darein/ vnnd ein wenig Pfeffer/ laß
darmit
auffsieden/ vnd geuß es vber die Gebackene Fro:esch/
so wirt es gut vnd
wolgeschmack. Vnnd wenn du die Fro:esch wilt zurichten/ so zeuch
die Haut darvon
hinweg/ nimb das Hindertheil/ vnd quells in heissem Wasser/
saltz vnnd pfeffers/
vnnd laß ein weil darinnen ligen/ so zeucht es viel Wasser
darauß/
darnach kanstu es zum backen oder zum eynmachen nemmen.
2. Nimb Fro:esch/ die sauber gequellt seyn/ geuß
Agrastwasser daru:eber/
vnd gestossenen Pfeffer/ auch frische vnzerlassene Butter/ laß
darmit resch
eynsieden/ vnnd wenn du schier wirst anrichten/ so wirff etliche
Agrastbeer
darein/ vnd laß damit ein Sudt auffthun/ so ist es gut vnd
wolgeschmack.
3. Gefricusierte Fro:esch mit Agrastbeer vnd Wasser/ damit
angemacht/
wenn sie gefricusiert seyn/ vnd wol gepeffert/ vnd nicht viel
gesaltzen.
4. Du kanst auch wol eynmachen mit Agrastbru:eh in Pasteten/ die
von
weissem Teig auffgetrieben/ so werden sie gut vnd wolgeschmack.
5. Fro:esch gekocht schwartz mit Karpffenschweiß/ seind
gut vnd
wolgeschmack.